0:00
/
1ܘܩܸܡܠܹܗ ܡ̣ܢ ܬܵܡܵܐ: ܘܐَܬܹܐܠܹܗ ܠܬܸܚܘܼܒܹ̈ܐ ܕܝܼܗܘܼܕ ܘܠܡܲܪܙܵܐ ܐ݇ܚܹܪ݇ܢܵܐ ܕܝܘܿܪܕܢܵܢ. ܘܐَܙܸܠܗܘܿܢ ܡܸܢَܕܪܸܫَ ܠܟܸܣܠܹܗ ܟܸܢܫܹ̈ܐ: ܘܡܵܠܸܦ ܗ݇ܘܵܐ ܠܗ݇ܘܿܢ ܡܸܢَܕܪܸܫَ ܕܵܐܟ̣ܝܼ ܕܐܝܼܬ ܗ݇ܘܵܐ ܠܹܗ ܥܵܕܲܬ. 2ܘܐ݇ܬܹܐܠܗܘܿܢ ܦܪ̈ܝܼܫܹܐ: ܘܒܵܩܪܝܼ ܠܹܗ: ܕܐܸܢ ܒܕܲܣܬܘܼܪ ܝ݇ܠܵܗ̇ ܠܐ݇ܢܵܫܵܐ ܕܫܵܒܸܩ ܒܲܟ̣ܬܹܗ: ܟܲܕ ܓ̰ܵܪܘܿܒܹܗ. 3ܓ̰ܘܼܘܸܒܠܹܗ ܘܐَܡܝܼܪܹܗ ܐܸܠܵܝܗܝ: ܡܘܼܕܝܼ ܩܲܡ ܦܵܩܸܕܠܵܘܟ̣ܘܿܢ ܡܘܼܫܹܐ. 4ܘܐܵܢܝܼ ܐܵܡܪܝܼ: ܡܘܼܫܹܐ ܝܘܼܗَܒܼܸܠܹܗ ܕܲܣܬܘܼܪ ܐܸܠܲܢ: ܕܟܵܬܒ̣ܵܚ ܟܬܵܒ̣ܵܐ ܕܕܘܼܠܵܠܵܐ ܘܪܲܦܵܚ. 5ܘܝܼܫܘܿܥ ܐَܡܝܼܪܹܗ ܐܸܠܵܝܗܝ: ܠܕܲܪܩܘܼܒ̣ܠ ܕܩܸܫܝܘܼܬܵܐ ܕܠܸܒܵܘܟ̣ܘܿܢ ܟܬܸܒ̣ܠܹܗ ܐܸܠܵܘܟ̣ܘܿܢ ܐܵܗܵܐ ܦܘܼܩܕܵܢܵܐ. 6ܐܝܼܢܵܐ ܡ̣ܢ ܪܹܫܵܐ ܕܒܪܝܼܬܵܐ: ܐܘܼܪܙܵܐ ܘܢܸܩܒ̣ܵܐ ܥܒ̣ܝܼܕܵܝܠܹܗ ܐܲܠܵܗܵܐ. 7ܣܵܒܵܒ ܕܐܵܗܵܐ ܒܸܬ ܫܵܒܸܩ ܐ݇ܢܵܫܵܐ ܠܒܵܒܹܗ ܘܠܝܸܡܹܗ: ܘܒܸܬ ܬܲܒܸܥ ܠܒܲܟ̣ܬܹܗ. 8ܘܒܸܬ ܗܵܘܝܼ ܬܸܪ̈ܘܵܝܗܝ ܚܲܕَ ܒܸܣܪܵܐ. ܒܲܣ ܐ݇ܚܹܪ݇ܢܵܐ ܠܹܐ ܝܢܵܐ ܬܪܹܝ: ܐܸܠܵܐ ܚܲܕَ ܒܸܣܪܵܐ. 9ܡܸܢܕܝܼ ܗܲܕܟ̣ܵܐ ܕܐܲܠܵܗܵܐ ܙܘܼܘܸܓܠܹܗ: ܒܲܪܢܵܫܵܐ ܠܵܐ ܦܵܪܸܫ. 10ܘܒܘܼܩܸܪܗܘܿܢ ܡܸܢܹܗ ܡܸܢَܕܪܸܫَ ܬܲܠܡܝܼܕܘܼ̈ܗܝ ܓܵܘ ܒܲܝܬܵܐ ܥܲܠ ܕܐܵܗܵܐ. 11ܘܐَܡܝܼܪܹܗ ܐܸܠܵܝܗܝ: ܟܠܡ̇ܢ ܕܪܲܦܹܐ ܒܲܟ̣ܬܹܗ ܘܓܵܒܸܪ ܚܕܵܐ ܐܚܹܪَܬܵܐ: ܒܸܥܒ̣ܵܕܵܐ ܝܠܹܗ ܩܲܗܒܘܼܬܵܐ ܥܲܠܘܼܗܝ. 12ܘܐܸܢ ܒܲܟ̣ܬܵܐ ܪܲܦܵܐ ܓܲܒ̣ܪܘܼܗ̇ ܘܓܵܒ̣ܪܵܐ ܚܲܕَ ܐ݇ܚܹܪ݇ܢܵܐ: ܒܸܥܒ̣ܵܕܵܐ ܝ݇ܠܵܗ̇ ܩܲܗܒܘܼܬܵܐ. 13ܘܡܘܼܬَܝܹܠܗܘܿܢ ܠܟܸܣܠܹܗ ܝܵܠܹܕَܐ ܙܥܘܿܪܹ̈ܐ ܕܕܵܩܸܪ ܗ݇ܘܵܐ ܒܝܼܵܝܗܝ. ܐܝܼܢܵܐ ܬܲܠܡܝܼܕܘ̈ܗܝ ܢܓ̰ܸܘܼܠܗܘܿܢ ܒܐܵܢܝܼ ܕܡܲܝܬܘܼܝܵܝܗܝ ܗ݇ܘܵܘ. 14ܐܝܼܢܵܐ ܟܲܕ ܚܙܹܐܠܹܗ ܝܼܫܘܿܥ: ܗَܘܹܐܠܹܗ ܒܹܐ ܟܵܝܦ: ܘܐَܡܝܼܪܹܗ ܐܸܠܵܝܗܝ: ܫܒ̣ܘܿܩܘܿܢ ܝܵܠܹܕَܐ ܙܥܘܿܪܹ̈ܐ ܐܵܬܝܼ ܠܟܸܣܠܝܼ: ܘܠܵܐ ܡܲܟܠܝܼܬܘܿܢ ܠܗ݇ܘܿܢ: ܣܵܒܵܒ ܕܕܐܵܢܝܼ ܕܐܲܝܟܼ ܕܐܲܢܹܐ ܝ݇ܠܵܗ̇ ܡܲܠܟܘܼܬܵܐ ܕܐܲܠܵܗܵܐ. 15ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܟܠ ܕܠܵܐ ܩܵܒܸ̇ܠ ܡܲܠܟܘܼܬܵܐ ܕܐܲܠܵܗܵܐ ܐܲܝܟܼ ܝܵܠܵܕَܐ ܙܥܘܿܪܵܐ: ܠܹܐ ܥܵܒܼܸܪ ܓܵܘܵܗ̇. 16ܘܫܩܝܼܠܵܝܠܹܗ ܥܲܠ ܕܪ̈ܲܥܢܵܢܘܼܗܝ: ܘܡܘܼܬܸܒ̣ܠܹܗ ܐܝܼܕܵܬܹ̈ܗ ܥܲܠܵܝܗܝ: ܘܒܘܼܪܟ̣ܵܝܠܹܗ. 17ܘܟܲܕ ܒܹܐܙܵܠܵܐ ܗ݇ܘܵܐ ܒܐܘܼܪܚܵܐ: ܪܚܸܛܠܹܗ ܚܲܕَ ܒܪܸܟ̇ܠܹܗ ܩܵܕَܡܘܼܗܝ: ܘܒܘܼܩܸܪܹܗ ܡܸܢܹܗ: ܡܲܠܦܵܢܵܐ ܛܵܒ̣ܵܐ: ܡܘܼܕܝܼ ܥܵܒ̣ܕܸܢ ܕܝܵܪܬܸܢ ܚܲܝܹ̈ܐ ܕܠܐܵܒܲܕ. 18ܐܵܡܸܪ ܐܸܠܹܗ ܝܼܫܘܿܥ: ܩܵܡܘܿܕܝܼ ܒܸܩܪܵܝܝܼ ܝܘܸܬ ܛܵܒ̣ܵܐ: ܠܲܝܬ ܛܵܒ̣ܵܐ: ܫܒ̣ܘܿܩ ܡ̣ܢ ܚܲܕَ: ܐܲܠܵܗܵܐ. 19ܦܘܼܩܕܵܢܹ̈ܐ ܟܹܐ ܝܵܕܥܸܬ: ܠܵܐ ܥܵܒ̣ܕܸܬ ܩܲܗܒܘܼܬܵܐ: ܠܵܐ ܓܵܢܒܸܬ: ܠܵܐ ܩܵܛܠܸܬ: ܘܠܵܐ ܝܵܗَܒܸܬ ܣܵܗܕܘܼܬܵܐ ܕܘܼܓܠܵܢܬܵܐ: ܠܵܐ ܙܵܠܡܸܬ: ܥܒ̣ܘܿܕ ܐܝܼܩܵܪܵܐ ܠܒܵܒܘܼܟ ܘܠܝܸܡܘܼܟ. 20ܘܗ̇ܘ ܓ̰ܘܼܘܸܒܠܹܗ ܘܐَܡܝܼܪܹܗ ܐܸܠܹܗ: ܡܲܠܦܵܢܵܐ: ܐܲܢܹܐ ܟܠܵܝܗܝ ܢܛܝܼܪܵܝܗܝ ܝܘܸܢ ܡ̣ܢ ܝܵܠܘܼܕ݇ܬܝܼ. 21ܘܚܸܪܹܗ ܒܝܹܗ ܝܼܫܘܿܥ: ܘܡܘܼܚܸܒܠܹܗ: ܘܐَܡܝܼܪܹܗ ܐܸܠܹܗ: ܚܕܵܐ ܒܵܨܘܿܪܬܵܐ ܝ݇ܠܵܗ̇ ܐܸܠܘܼܟܼ: ܙܹܠَܐ ܙܵܒܸ̇ܢ ܟܠ ܡܸܢܕܝܼ ܕܐܝܼܬ ܠܘܼܟܼ: ܘܗܲܒَܠ ܠܡܸܣܟܹܢܹ̈ܐ: ܘܒܸܬ ܗܵܘܝܵܐ ܠܘܼܟܼ ܚܲܙܝܼܢܵܐ ܒܫܡܲܝܵܐ: ܘܬܵܐ: ܐܵܬܸܬ ܒܵܬَܪܝܼ. 22ܐܝܼܢܵܐ ܚܘܼܠܩܘܼܗܝ ܢܦܸܠܹܗ ܒܐܵܗܵܐ ܗܹܡܸܙܡܵܢ: ܘܐَܙܸܠܹܗ ܦܫܝܼܡܵܐ: ܣܵܒܵܒ ܕܪܵܒܵܐ ܡܵܐܠ ܐܝܼܬ ܗ݇ܘܵܐ ܠܹܗ. 23ܐܝܼܢܵܐ ܚܸܪܹܗ ܝܼܫܘܿܥ ܠܚܵܕܸܪ̈ܘܵܢܹܗ: ܘܐَܡܝܼܪܹܗ ܠܬܲܠܡܝܼܕܘܼ̈ܗܝ: ܟܡܵܐ ܥܲܣܩܵܐ ܝ݇ܠܵܗ̇ ܠܐܵܢܝܼ ܕܐܝܼܬ ܠܗ݇ܘܿܢ ܡܵܐܠ: ܕܥܵܒܼܪܝܼ ܠܡܲܠܟܘܼܬܵܐ ܕܐܲܠܵܗܵܐ!. 24ܐܝܼܢܵܐ ܬܲܠܡܝܼܕܹ̈ܐ ܥܓ̰ܸܒܠܗܘܿܢ ܥܲܠ ܗܹܡܸܙܡܵܢܘܼ̈ܗܝ. ܘܓ̰ܘܼܘܸܒܠܹܗ ܝܼܫܘܿܥ ܡܸܢَܕܪܸܫَ ܘܐَܡܝܼܪܹܗ ܐܸܠܵܝܗܝ: ܒܢܘܿܢܝܼ̈: ܟܡܵܐ ܥܲܣܩܵܐ ܝ݇ܠܵܗ̇ ܠܐܵܢܝܼ ܕܝܼܢܵܐ ܒܗܹܒ̣ܝܼ ܥܲܠ ܡܵܐܠܵܝ̈ܗܝ: ܕܥܵܒܼܪܝܼ ܠܡܲܠܟܘܼܬܵܐ ܕܐܲܠܵܗܵܐ!. 25ܒܘܼܫ ܗܵܣܵܢܵܝܝܼ ܝ݇ܠܵܗ̇ ܠܓܘܼܡܠܵܐ ܕܥܵܒܼܸܪ ܒܢܸܩܒܵܐ ܕܚܡܵܛܵܐ: ܡ̣ܢ ܕܕܵܘܠܲܬܡܲܢܕ ܥܵܒܼܸܪ ܠܡܲܠܟܘܼܬܹܗ ܕܐܲܠܵܗܵܐ. 26ܐܝܼܢܵܐ ܐܵܢܝܼ ܒܘܼܫ ܙܵܘܕܵܐ ܥܓ̰ܸܒܠܗܘܿܢ: ܘܐَܡܸܪܗܘܿܢ ܒܹܝܠܵܝܗܝ: ܡܵܢܝܼ ܡܵܨܹܐ ܠܸܚܵܝܵܐ. 27ܘܚܸܪܹܗ ܒܝܼܵܝܗܝ ܝܼܫܘܿܥ: ܘܐَܡܝܼܪܹܗ ܐܸܠܵܝܗܝ: ܠܟܸܣ ܒܢܲܝ̈ܢܵܫܵܐ ܐܵܗܵܐ ܠܹܐ ܡܵܨܝܵܐ: ܐܸܠܵܐ ܠܵܐ ܠܟܸܣ ܐܲܠܵܗܵܐ: ܣܵܒܵܒ ܟܠ ܡܸܢܕܝܼ ܠܟܸܣ ܐܲܠܵܗܵܐ ܟܹܐ ܡܵܨܝܵܐ. 28ܘܫܘܼܪܹܐܠܹܗ ܟܹܐܦܵܐ ܠܹܐܡܵܪܵܐ ܐܸܠܹܗ: ܗܵܐ: ܐܲܚܢܲܢ ܫܒܸܩܠܲܢ ܟܠ ܡܸܢܕܝܼ ܘܐَܬܹܐܠܲܢ ܒܵܬَܪܘܼܟ. 29ܓ̰ܘܼܘܸܒܠܹܗ ܝܼܫܘܿܥ ܘܐَܡܝܼܪܹܗ: ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܠܲܝܬ ܐ݇ܢܵܫܵܐ ܕܫܒ̣ܝܼܩܵܐ ܝܠܹܗ ܒܲܝܬܵܐ: ܝܲܢ ܐܵܚܘܿܢܘܵܬܹ̈ܐ: ܝܲܢ ܚܵܬܘܵܬܹ̈ܐ: ܝܲܢ ܒܵܒܵܐ: ܝܲܢ ܝܸܡܵܐ: ܝܲܢ ܒܲܟ̣ܬܵܐ: ܝܲܢ ܒܢܘܿܢܹ̈ܐ: ܝܲܢ ܚܲܩܠܵܢܹ̈ܐ: ܒܚܵܬܸܪ ܕܝܼܝܼ ܘܕܡܲܫܚܲܕܬܵܐ. 30ܘܠܵܐ ܩܵܒܸ̇ܠ ܚܲܕَ ܒܡܵܐܐ ܐܵܕܝܼܵܐ ܒܐܵܗܵܐ ܙܲܒ̣ܢܵܐ: ܒܵܬܹ̈ܐ: ܘܐܵܚܘܿܢܘܵܬܹ̈ܐ: ܘܚܵܬܘܵܬܹ̈ܐ: ܘܝܸܡܵܬܹ̈ܐ: ܘܒܢܘܿܢܹ̈ܐ: ܘܚܲܩܠܵܢܹ̈ܐ: ܥܲܡ ܛܪܵܕܝܵܬܹܐ: ܘܒܥܵܠܡܵܐ ܕܐܵܬܹܐ: ܚܲܝܹ̈ܐ ܕܠܐܵܒܲܕ. 31ܐܝܼܢܵܐ ܪܵܒܵܐ ܩܵܕَܡܵܝܹ̈ܐ ܒܸܬ ܗܵܘܝܼ ܐَܚܵܪ̈ܵܝܹܐ: ܘܐَܚܵܪ̈ܵܝܹܐ ܩܵܕَܡܵܝܹ̈ܐ. 32ܘܟܲܕ ܒܹܐܣܵܩܵܐ ܗ݇ܘܵܘ ܒܐܘܼܪܚܵܐ ܠܐܘܿܪܸܫܠܸܡ: ܝܼܫܘܿܥ ܒܹܐܙܵܠܵܐ ܗ݇ܘܵܐ ܩܵܕَܡܵܝܗܝ. ܘܥܵܓ̰ܒܝܼ ܗ݇ܘܵܘ: ܘܐܵܙܵܠَܢܹ̈ܐ ܒܵܬَܪܹܗ ܙܕܸܥܠܗܘܿܢ. ܘܠܘܼܒܸܠܹܗ ܡܸܢَܕܪܸܫَ ܠܬܪܸܥܣܲܪܬܹܗ: ܘܫܘܼܪܹܐܠܹܗ ܕܐܵܡܸܪ ܐܸܠܵܝܗܝ ܡܸܢܕܝܼ ܕܗܕܝܼܪܵܐ ܗ݇ܘܵܐ ܕܗܵܘܹܐ ܐܸܠܹܗ. 33ܗܵܐ: ܒܹܐܣܵܩܵܐ ܝܘܵܚ ܠܐܘܿܪܸܫܠܸܡ: ܘܒܪܘܿܢܹܗ ܕܐ݇ܢܵܫܵܐ ܒܸܬ ܦܵܐܹܫ ܣܘܼܦܝܵܐ ܠܓܘܼܪ̈ܵܢܹܐ ܕܟܵܗܢܹ̈ܐ ܘܠܣܵܦܪܹ̈ܐ: ܘܒܸܬ ܥܵܒ̣ܕܝܼ ܠܹܗ ܓܘܼܢܵܗܟܵܪ ܠܡܵܘܬܵܐ: ܘܒܸܬ ܣܵܦܝܼ ܠܹܗ ܠܛܵܝܸܦܹ̈ܐ. 34ܘܒܸܬ ܡܲܣܚܸܪܝܼ ܒܝܹܗ: ܘܓ̰ܲܢܓ̰ܸܪܝܼܠܹܗ: ܘܪܵܝܩܝܼ ܥܲܠܘܼܗܝ: ܘܩܵܛܠܝܼ ܠܹܗ: ܘܡܒܵܬَܪ ܬܠܵܬَܐ ܝܵܘܡܵܢܹ̈ܐ ܒܸܬ ܩܵܝܸܡ. 35ܘܐ݇ܬܹܐܠܗܘܿܢ ܩܘܼܪܒܵܐ ܠܟܸܣܠܹܗ ܝܲܥܩܘܿܒ̣ ܘܝܘܿܚܲܢܵܢ: ܒܢܘܿܢܹ̈ܐ ܕܙܲܒ̣ܕܲܝ: ܘܐܵܡܪܝܼ ܐܸܠܹܗ: ܡܲܠܦܵܢܵܐ: ܒܲܥܝܵܚ ܕܟܠ ܕܛܵܠܒܵܚ ܥܵܒ̣ܕܸܬ ܐܸܠܲܢ. 36ܐܵܡܸܪ ܐܸܠܵܝܗܝ: ܡܘܼܕܝܼ ܒܵܥܹܝܬܘܿܢ ܕܥܵܒ̣ܕܸܢ ܐܸܠܵܘܟ̣ܘܿܢ. 37ܐܵܡܪܝܼ ܐܸܠܹܗ: ܗܲܒَܠ ܠܲܢ: ܕܚܲܕَ ܡ̣ܢ ܝܲܡܝܼܢܘܼܟ ܘܚܲܕَ ܡ̣ܢ ܣܸܡܵܠܘܼܟܼ ܝܵܬܒ̣ܵܚ ܒܚܸܩܪܘܼܟ. 38ܐܝܼܢܵܐ ܝܼܫܘܿܥ ܐَܡܝܼܪܹܗ ܐܸܠܝܼ: ܠܹܐ ܝܬܘܿܢ ܒܝܼܕܵܥܝܵܐ ܡܘܼܕܝܼ ܒܸܛܠܵܒܵܐ ܝܬܘܿܢ. ܡܵܨܹܝܬܘܿܢ ܫܵܬܹܝܬܘܿܢ ܟܵܣܵܐ ܕܐܵܢܵܐ ܫܵܬܸܢ: ܝܲܢ ܡܲܥܡܘܿܕܝܼܬܵܐ ܕܐܵܢܵܐ ܥܵܡܕܸܢ: ܥܵܡܕܝܼܬܘܿܢ. 39ܐܵܡܪܝܼ ܐܸܠܹܗ: ܟܹܐ ܡܵܨܵܚ. ܐܵܡܸܪ ܐܸܠܵܝܗܝ ܝܼܫܘܿܥ: ܟܵܣܵܐ ܕܫܵܬܸܢ ܒܫܲܪܝܼܪܘܼܬܵܐ ܒܸܬ ܫܵܬܹܝܬܘܿܢ: ܘܡܲܥܡܘܿܕܝܼܬܵܐ ܕܐܵܢܵܐ ܥܵܡܕܸܢ ܒܸܬ ܥܵܡܕܝܼܬܘܿܢ. 40ܐܝܼܢܵܐ ܕܝܵܬܒ̣ܝܼܬܘܿܢ ܡ̣ܢ ܝܲܡܝܼܢܝܼ ܝܲܢ ܡ̣ܢ ܣܸܡܵܠܝܼ: ܠܹܐ ܝ݇ܠܵܗ̇ ܕܝܼܝܼ ܠܝܼܵܗَܒ̣ܵܐ: ܐܸܠܵܐ ܠܐܵܢܝܼ (ܕܐܸܠܵܝܗܝ) ܗܘܼܕܸܪܬܵܐ ܝ݇ܠܵܗ̇. 41ܘܟܲܕ ܫܡܸܥܠܗَܘܿܢ ܥܸܣܪܵܐ: ܫܘܼܪܹܠܗܘܿܢ ܠܸܟܪܵܒܵܐ ܥܲܠ ܝܲܥܩܘܿܒ̣ ܘܝܘܿܚܲܢܵܢ. 42ܘܩܸܪܝܵܝܠܹܗ ܝܼܫܘܿܥ: ܘܐَܡܝܼܪܹܗ ܐܸܠܵܝܗܝ: ܒܝܼܕܵܥܝܵܐ ܝܬܘܿܢ ܕܐܵܢܝܼ ܕܦܵܝܫܝܼ ܚܫܝܼܒܹܐ ܪܹ̈ܫܵܢܹܐ ܕܛܵܝܸܦܹ̈ܐ ܟܹܐ ܥܵܒ̣ܕܝܼ ܡܵܪܘܼܬܵܐ ܥܲܠܵܝܗܝ: ܘܓܘܼܪ̈ܵܢܵܝܗܝ ܟܹܐ ܥܵܒ̣ܕܝܼ ܗܘܼܟܡܵܐ ܥܲܠܵܝܗܝ. 43ܐܝܼܢܵܐ ܗܲܕܟ̣ܵܐ ܠܹܐ ܝ݇ܠܵܗ̇ ܓܵܘܵܘܟ̣ܘܿܢ: ܐܸܠܵܐ ܡ̇ܢ ܕܒܵܥܝܹܐ ܗܵܘܹܐ ܓܘܼܪܵܐ ܓܵܘܵܘܟ̣ܘܿܢ: ܒܸܬ ܗܵܘܹܐ ܚܸܠܡܲܬܟܵܪܵܘܟ̣ܘܿܢ. 44ܘܐܲܝܢܝܼ ܡܸܢܵܘܟ̣ܘܿܢ ܕܒܵܥܝܹܐ ܗܵܘܹܐ ܩܵܕَܡܵܝܵܐ: ܒܸܬ ܗܵܘܹܐ ܪܹܓܵܐ ܕܟܠ. 45ܣܵܒܵܒ ܕܐܘܼܦ ܒܪܘܿܢܹܗ ܕܐ݇ܢܵܫܵܐ ܠܵܐ ܐَܬܹܐܠܹܗ ܕܦܵܐܹܫ ܥܒ̣ܝܼܕܵܐ ܚܸܠܡܲܬ: ܐܸܠܵܐ ܕܥܵܒܸܕ ܚܸܠܡܲܬ: ܘܕܝܵܗَܒܸܠ ܓܵܢܹܗ ܦܘܼܪܩܵܢܵܐ ܡܒܵܕܵܠ ܕܪܵܒܵܐ. 46ܘܐ݇ܬܹܐܠܗܘܿܢ ܠܐܝܼܪܝܼܚܘܿ ܘܟܲܕ ܦܠܸܛܠܹܗ ܡ̣ܢ ܐܝܼܪܝܼܚܘܿ: ܗ̇ܘ ܘܬܲܠܡܝܼܕܘܼ̈ܗܝ: ܘܟܸܢܫܵܐ ܪܵܒܵܐ: ܒܲܪܛܝܼܡܲܝ: ܒܪܘܿܢܹܗ ܕܛܝܼܡܲܝ: ܓܹܒ̣ܵܝܵܐ ܣܸܡܝܵܐ: ܝܬܝܼܒ̣ܵܐ ܗ݇ܘܵܐ ܥܲܠ ܣܸܦܬܵܐ ܕܐܘܼܪܚܵܐ. 47ܘܫܡܸܥܠܹܗ ܕܝܼܫܘܿܥ ܢܵܨܪܵܝܵܐ ܝܠܹܗ: ܘܫܘܼܪܹܐܠܹܗ ܠܡܲܩܘܘܼܚܹܐ ܘܠܹܐܡܵܪܵܐ: ܝܼܫܘܿܥ ܒܪܘܿܢܹܗ ܕܕܵܘܝܼܕ: ܪܵܚܸܡ ܥܲܠܝܼ. 48ܘܪܵܒܵܐ ܢܵܓ̰ܘܝܼ ܗ݇ܘܵܘ ܒܝܹܗ ܕܫܵܬܸܩ ܗ݇ܘܵܐ. ܐܝܼܢܵܐ ܗ̇ܘ ܒܘܼܫ ܙܵܘܕܵܐ ܡܘܼܩܘܸܚܠܹܗ: ܒܪܘܿܢܹܗ ܕܕܵܘܝܼܕ: ܪܵܚܸܡ ܥܲܠܝܼ. 49ܘܟܠܹܐܠܹܗ ܝܼܫܘܿܥ: ܘܐَܡܝܼܪܹܗ ܕܩܵܪܝܼ ܠܹܗ. ܘܩܪܹܐܠܗܘܿܢ ܠܗ̇ܘ ܣܸܡܝܵܐ: ܒܹܐܡܵܪܵܐ ܐܸܠܹܗ: ܗَܘܝܼ ܠܸܒܵܢܵܐ: ܩܘܼܡَ: ܒܸܩܪܵܝܘܼܟ ܝܼܠܹܗ. 50ܘܗ̇ܘ ܪܘܼܦܝܼܠܹܗ ܠܒܸܫܬܹܗ: ܘܢܕܸܠܹܗ: ܘܐَܬܹܐܠܹܗ ܠܟܸܣ ܝܼܫܘܿܥ. 51ܓ̰ܘܼܘܸܒܠܹܗ ܘܐَܡܝܼܪܹܗ ܐܸܠܹܗ ܝܼܫܘܿܥ: ܡܘܼܕܝܼ ܒܵܥܹܝܬ ܕܥܵܒ̣ܕܸܢ ܐܸܠܘܼܟܼ: ܘܣܸܡܝܵܐ ܐَܡܝܼܪܹܗ ܐܸܠܹܗ: ܪܵܒܝܼ: ܕܚܵܙܸܢ. 52ܘܝܼܫܘܿܥ ܐَܡܝܼܪܹܗ ܐܸܠܹܗ: ܙܹܠَܐ. ܗܲܝܡܵܢܘܼܬܘܼܟ ܩܲܡ ܡܲܚܝܼܵܐ ܠܘܼܟܼ. ܘܕܲܪܣܵܥܲܬ ܚܙܹܐܠܹܗ: ܘܐَܙܸܠܹܗ ܒܵܬَܪܹܗ ܒܐܘܼܪܚܵܐ.